Ieu kaca geus divalidasi
- ran, ngan kudu ihtiar bae, muga-muga aya dina kaunggulan.
- Sabadana taya deui nu miunjuk, lajeng na nimbalan, teger panger henteu keder, Kangjeng Dalem bade ngadamel putusan.
- Kula bungah ngucap sukur ka Nu Agung, sadaya satia, biluk ka Mataram kabeh, sauyunan samiuk urang mantuan.
- Keur ngirimkeun bantuan ka medan pupuh, keur ngusir Walanda, nu jahat arek ngarongrong musuh urang nu aya di Jayakarta.
- Nu araya sarerea saur manuk, bareng ngarempugan, jigana geus panas kabeh, Kangjeng Dalem teras deui sasaruan.
- Sukur pisan arandika teh saluyu, geus sapamadegan, yen urang rek paeh poso, numpes musuh babarengan jeung Mataram.
- Keur ngawaler serat Kangjeng Sultan Agung, ku kula sorangan, engke sore tangtu beres sangkan bisa kacandak ku Ki Utusan.
- Sagigireun ti nyanggeman rek ngabantu, diimplik-implikan, di mana perang geus rengse, tatar Sunda ulah dianggap bawahan.
- Kapan urang tetela tunggal sadulur, Nagara mimitran, sadarajat henteu geseh, hirup rukun silih junjung silih hormat.
- Tah sakitu anu baris kapiunjuk, serat ka Mataram, kumaha mupakat kabeh, saur manuk surak bari ngarempagan.
- Kangjeng Dalem nyaur sinewaka tutup, bral geura marulang, sadatang-datang singkeren, mepek balad samakta jeung pakarangna.
- Kaperluan bawaeun ka medan pupuh, sing gancang sadia, sabab waktuna geus tereh, kurang leuwih tataharna dua bulan.
- Kula oge nguriling sawaktu-waktu, jeung Ki Suranangga, ka unggal Cutak dilongok, rek mariksa bisi aya kakurangan.
- Para Demang Cutak Ngabehi jeung Umbul, sarta ponggawa, sakur nu nyepeung wewengkon, rek dipantes jadi Kapala
115
