Ieu kaca geus divalidasi
- Ibu ge sugan bae, teu kitu ari jodo mah, coba ku Enden papay, ka Mardawa pek paluruh, enggeus rimbitan henteuna.
- Enden Sari pok ngalahir, bari jeung baeud meueusan, tapi lain baeud jengkel, ieu mah baeud pangemat, geusan nambahan endah, camberut jadi pangirut, ngahaja palay dipandang.
- Ih Ibu geura teu isin, na asa napsu pohara, palay enggal mantuan teh, dugi ka abdi sorangan, nyaleser ka Mardawa, kumaha engke Kang Ukur, lamun anjeunna uninga.
- Ibuna alon ngalahir, imut manis tawis sabar, gentra leuleuy lumah-lameh, keur ngupahan ka putrana, ulah nepi ka reuwas, ngajorengja terus bendu, atawa raheut manahna.
- Enden ulah salah harti, atawa rek salah tampa, sok komo mun nganggap goreng, Ibu ge piraku luas, nepi ka arek maksa, hanas Ibu ngomong kitu, sugan teh rek ngarujukan.
- Reungeukeun sakali deui, ulah rek salah tarima, Ibu ge sami awewe, moal enya luluasan, nepi ka togmol pisan, ka Eulis rek ngadu-ngadu, ngarendahkeun harkat anak.
- Mun Enden aya pamilih, sarta purun ka Kang Cutak, iaksana pareng ngajodo, Ibu teh bungah pohara, nimat Sawarga-dunya, hayang geura mangku incu, putra Enden ti Kang Cutak.
- Den Sari ngawaler rintih, rada beureum pameunteunna, inggis bendu Ibuna teh, rek ngawagang kapalayna, ngoloan ka Mardawa, pamugi teu jadi bendu, sanes pisan abdi baha.
- Mung nyanggakeun pameredih, ku Ibu tangtos kamanah, naha henteu langkung sae, nu maluruh ulah putra, sarta terang-terangan, sanajan abdi teh purun, moal dagang kurangan.
- Da menggah emutan abdi, yen istri mah salamina, kedah pengkuh teu katembong, dimana aya kahayang, estuning teu katara, henteu katingal ku umum, sumawonten ku jinisna.
- Anak Ibu anu geulis, enya kitu bener pisan, teu sangka geuning Endeh teh, sukur boga pamadegan, nandakeun geus dewasa, Endeh teh kukuh tur pengkuh, nyaho di harga sorang-
30
