Ieu kaca geus divalidasi
- miang, Batulayang henteu adoh, gancang bae lamar penta ka bapana.
- Pipokeun teh dawuhan kaula kituh, omat singkabawa, bapana ge ajak bae, mun kabawa Patih teh meunang ganjaran.
- Pameulina yeuh duit bawa ka ditu, tah saratus real, papakean nu harade, sadiakeun sing cukup sapuratina.
- Dawuh Dalem mung ewed dina teu tumut, henteu diwidian, reh parantos nguping wartos, moal lami rek ditikah ku wargina.
- Kangjeng Dalem melengek barang ngadangu, ceuk emutana, kapusing jol deui bae, palang siang nu geulis moal kabawa.
- Ah eta mah montong rek dipake bingung, tong jadi halangan, karek ge jadi bebene, geus kawin ge dipaksa kudu kabawa.
- Saupama teu dibikeun tur teu nurut, ku andika paksa, sanajan nepi ka getreng, cindekna mah geus jadi tugas Nagara.
- Ceuk Ki Patih, abdi Dalem seja ngestu, rek ngemban dawuhan, sanajan kumaha oge, anu tangtos seja ngambangkeun timbalan.
- Sajeroning nyebatkeun sumuhun dawuh, dina manahna mah, hemar-hemir mangen bae, kaingsisna paur teu bisa nyaosan.
- Kangjeng Dalem anu tangtos meureun bendu, kumaha akalna, sangkan bisa beres roes, ieu tugas beuratna luar biasa.
- Kangjeng Dalem manahna parantos maphum, kana mo bisana, ngabandang Den Saribanon, ku kituna Patih rada diseukseukan.
- Naha Patih andika jiga nu bingung, atawa hoream, dipiwarang ka dinya ge, henteu anggang ngan ukur ka Batulayang.
- Ki Patih teh calikna mendeko tungkul, hanteu ngawalonan, ngan ngabetem cicing bae, jigana mah rek boboleh
43
