Ieu kaca geus divalidasi
- teu beunang, meureun hayang ngadu jurit.
- Raden Ukur ngawaleran, dibarengan ku saur rada sengit, Rai mah parantos mutung, arek nolak pangersa, hanas Kakang bade keukeuh tur murugul, ku jalan paksa pirusa, ngiringan mangga teh teuing.
Durma
- Mantri Jero anjeunna raos diunghak, sinareng diwawadi, ahirna ditangtang, ku sahandapeunana, salira munggah ngagidir, manahna ngentab, soca mani buncelik.
- Henteu tata panangan Ukur ditewak, pageuh leuwih ti misti, peupeuteuyanana, maksudna rek ditongtak, dicentok sina tiguling, angkeuhanana, tapi Raden caringcing.
- Dibedol teh anjeunna teras merean, dituturkeun saeutik, bari salirana, seug diteumbragkeun bedas, kana salira Den Mantri, meneran dada, henteu pisan katakis.
- Puguh bae Den Mantri rubuh sorangan, geubisna meubeut tarik, guprak teh nangkarak, ngajoprak kokosehan, jigana bawaning nyeri, katambah wirang, teu enggal gugah deui.
- Keur ngulisik jigana meureun rek gugah, dicepeng bae gasik, palebah taktakna, diangkat lalaunan, pek dijungjungkeun saeutik, ku Raden Cutak, ki Mantri larak-lirik.
- Barang gugah geus ajeg deui ngadegna, teu antaparah deui, gancang mani rikat, jekok-jekok nonjokan, hulu angen nu dipilih, musuhna awas, cungcat-cingcet ka gigir.
- Jigana mah Mantri Jero naas pisan, tonjok anu tararik, keunana nyalahan, teu kana mamarasna, jekok deui jekok deui, kana katimang, sabukna Adipati.
- Mantri Jero panangan peperengkelan, mokaha bae nyeri, gorowok nyalukan, mani awong-awongan, menta tulung bari ceurik, ka gulang-gulang, bet kawas budak leutik.
- Mani rabul daratang ti unggal madhab, saregut tur barengis, jeung marawa tumbak, pedang mani nyulagrang, legeg jago tukang jurit, di pakalangan, rek nulungan Den Mantri.
- Lebet manah mo salah rek ngaraponan, ngoroyok
68
