Ieu kaca geus divalidasi
-
awak aing, Raden henteu ngejat, mundur ti pakalangan, anjeunna lajeng caringcing, teu lalawora, dina mayunan jurit.
- Suranangga ti pungkur mani ngahaha-hiji, seurina mani tarik, ceuceuleukeuteukan, nyeungseurikeun dunungan, nyaeta Juragan Mantri, anu tigubrag, gera-gero tur miwir.
- Manehna teh inget ka polah sorangan, tetela sidik sami, keur di Batulayang, dina waktu ngayonan, ka Den Ukur dina jurit, ripuh kasoran ampir teu hudang deui.
- Gantawang teh ka gulang-gulang susumbar, saha nu kumawani, nangkep Raden Cutak, dewek pikeun lawanna, najan tarung beurang peuting, rek diayonan, ka dieu hiji-hiji.
- Diantara gulang-gulang nu opatan, aya nu rada wani, bari dulak-dilak, nyelenteng ngadeukeutan, ka Raden bari jejebris, teu lesot tumbak, geus nguntup wani jurit.
- Kapetengan rikat luncat bari tandang, pasemon ieu aing, kek teh newak tumbak, der rame silih tongtak, pabedol-bedol nararik, sami bedas na, Ki Sura meunang pelit.
- Gulang-gulang keur waktu nyentok tumbakna, Ki Sura henteu narik, malah diberena, dijengjotkeun ka handap, gulang-gulang henteu mahi, meubeut ngajoprak, teu usik henteu malik.
- Gulang-gulang nepi ka nangkarak bengkang eukeur mah labuh tarik, katambah sirahna, gedak teh kana cadas, ngajejer teu eling-eling, tumbakna lepas, mangpeng ka Raden Mantri.
- Urut geubis can leungit masih karasa, ayeuna tambah deui, kapangpeng ku tumbak, keuna kana bincurang, nyengir bawaning ku nyeri, engke-engkean, meusmeus nyabakan bitis.
- Raden Mantri ngagorowok beuki bedas, bari nahan kanyeri, nitah gulang-gulang, nu masih aranggang, supaya ngumpul caringcing, gancang mantuan, ngahurup maju jurit.
- Dararatang geus deukeut agag-agagan, hemar-hemir teu wani, ku tina kapaksa, isin ku nu miwarang, tinglalieuk tingpuringis, bareng narajang, ngaraponan Dipati.
- Suranagga mani rikat nyokot tumbak, tumbak nu
69
