Ieu kaca geus divalidasi
VI. KAWAJIBAN PAPAYUNG AGUNG
Pucung
- Kacaturkeun tatamu mimiti kumpul, isuk keneh pisan, para gegeden geus tembong, geus daratang ti suklakna- ti siklukna.
- Ti jauhna harita anu geus cunduk, cutak nu geus datang, Lemah neundeut Cikareo, Selaawi lengkap jeung saponggawana.
- Nu jarauh lumaku sapeuting jeput, tararumpak kuda, ngabaktaan ti nu jolok, pamikirna sangkan ulah kasiangan.
- Geus ilahar priyayi jaman kapungkur, ngestokeun dawuhan, timbalan para gegeden, tugur tundan geus jadi kabiasaan.
- Jam salapan para menak jeung priyantun, hempak di Paseban, na amparan marendeko, tara pisan ngabaekeun parentahan.
- Raden Ukur jeung Juragan Patih rawuh, parantos lalenggah, anjeunna calik ngarendeng, lalinggihna sareng na balekancana.
- Mimitina Raden Ukur rada mundur, linggihna di handap, ngan tuluy pada ngarojong, nu ahirna ka luhur kersaeun lenggah.
- Pasamoan Juragan Patih nu ngatur, teu lila dibuka, nerangkeun ebreh tur eces, nu dimaksud pangna ngayakeun sewaka.
- Arandika nu mawi gancang disaur, rek babadamian, barempug hal pikeun calon, keur ngagentos Kangjeng Dalem anu nilar.
- Keur papayung mingpin Kabupaten Ukur, pikeun kamahmuran, kerta raharja nu hade, mandang perlu supaya gancang diangkat.
- Tegesna mah tuturkeuneun urang hirup, sangkan ka ayaan, tatar Ukur beres roes, hirup hurip gemah ripah tur rahar-
