Ieu kaca geus divalidasi
- rahayat terus dijepit, moal sugema, ngahukum mun teu adil.
- Geus kitu mah anjeunna buleud manahna, henteu galideur deui, gabres teh wangkingan, newek dada musuhna, lenggerek teh Senapati, tinggal kurungan, Ronggonoto lastari.
- Samemeh bres Kangjeng Dalem sasauran, ngaharewos teu tarik, neda pangampura, kaula ukur darma, ngajalankeun tugas suci, amanat rayat, anu geus dinyenyeri.
- Ronggonoto geus palastra sah ti dunya, di sangga ku Dipati, palebah pundukna, sangkan teu ngageledag, nu naringal ger sareuri, ayeuh-ayeuhan, surak jeung tingsaruit.
- Kangjeng Ukur isarat ulah sarurak, ngadadak jep teh jempling, nyaur Suranangga, sarta layon musuhna, Ronggonoto Senapati, sangkan dibawa, diurus sing tarapti.
- He Mang Sura ieu layon kapetengan, Pangeran Adipati, enggal pulasara, dipendem di nu sirna, make upacara resmi, anu biasa, Pangagung nu lastari.
- Saterusna baladna sina marulang, ulah aya nu kari, nu gering ge bawa, pek sadiakeun cikrak, ka Mataram geura indit, tong lila-lila, atur anu tarapti.
- Bere bekel sacukupna keur di jalan, pacuan dinyenyeri, ulah diheureuyan, kaula baris miang, rek terus ka Srimanganti, rek magelaran, sareng sesepuh Nagri.
Kinanti
- Sanggeusna imeut ngadawuh, jung angkat tungkul diiring, ku rengrengan kasepuhan, sinareng juragan Patih, ngabujeng ka padaleman, caralik di Srimanganti.
- Pangeran Dipati Ukur, sasumping ka Srimanganti, ka nu ngariring miwarang, ngantosan bari caralik, rek gentos pangganggo heula, sareng bade beberesih
- Teu lami anjeunna rawuh, di Srimanganti geus linggih, panganggona menak Sunda, biasa jaman bihari, sinjang poleng kaway takwa, udeng ngere batik tulis.
- Linggih payuneun sesepuh, raray mesum lir nu sedih, ilang sinar kahegaran, jiga nu nandang prihatin, sakedap teu
104
