Ieu kaca geus divalidasi
- rono teu cicingeun gancang muru, rikat malikeun kudana, gabrug ditubrukeun gasik.
- Kawasna mah eta Jepang, bisa silat cungcat-cingcetna tapis, Jayengrono rada rusuh, nyentok eles kudana, kuda nanjeur bleg bae jelema nangtung, manehna ngolosod ragrag, ngan untung henteu tiguling.
- Hadena nangtung ragragna, ngan sukuna ngabelesek saeutik, kana leutak rada tuhur, sasemet mumuncangan, tapi alus ragrag jiga meunang ngatur, lir nu pasang kuda-kuda, sayaga keur lawan jurit.
- Keur kitu Jepang teh ngudag, serenteng teh henteu tata pasini, gobangna geus meunang nyabut, nyabet dibabuk lalay, Jayengrono lain jelema kumumu, loba luang tukang perang, pangkatna ge Senapati.
- Barang gabrug rek ditewak, manehna teh geus ngagilek ka gigir, jeung nyeta-nyeta nu labuh, karunya nu narajang, ana gabruk ngan ngarontok bangkong wungkul, beungeut mubuy kana leutak, leungeun mebes kabeh leungit.
- Ku Ki Jayeng ditumpakan, ditindihan hantem teu bisa budi, pundukna diengkuk-engkuk, Jepang guguring jalan, ngan karunya taya keur panahan suku, geus tipetek kana leutak, teu bisaeun usik malik.
- Sirahna ge mebes pisan, tur eungapeun teu walakaya deui, kawas nu ngan kari ngubur, jiganu geus palastra, nu sejenna ngaburiak terus mundur, sarieuneun Suranangga, ngalugas pedang nu lancip.
Durma
- Dalem Ukur ningali dua pahlawan, Senapati warani, anu darigjaya, tur leber wawanenna, imut manis bari muji, dina manahna, nuhun ka Maha Suci.
- Teras nyaur ka komandan ti Walanda, anu geus nangtung deui, nyusutan bajuna, meresihan calana, urut labuh nyuksruk tarik, pinuh ku leutak, beungeut beureum muringis.
- Tah kumaha karep anjeun teh ayeuna, nangkep kaula jadi, pek ayeuna pisan, bisi rek ditalian, cing kaula hayang
24
