Ieu kaca geus divalidasi
II. PASALINGSINGAN PAHAM.
Asmarandana
- Dipati Ukur wawarti, ku basa nu lemes pisan nawiskeun manahna soleh, teu lesot jeung kahormatan, kieu saur anjeunna, hatur pinten-pinten nuhun, kana pangangken nu iklas.
- Kanggo pangersa nu suci, ngayakeun babadantenan, tata-cara anu sae, kanggo merangan Walanda, rai Dalem ngiringan, lintang ti sumeja tumut,estu ieu nu diteda.
- Ku bawiraos peryogi, matotoskeun jalan perang, pamendak nu langkung paos, supados sapamadegan, nu keuna sairama, ngagempurna rempug jukung sauyunan dina nyerang.
- Sumuhun leres katampi, nu dimaksad ku pun Kakang, ieu teh jalan nu sae, tegesna sabilulungan ulah ayah pasukan, nu mawa karep teu puguh, nu temahna matak ruksak.
- Nyaur kitu imut manis, Adipati Bahureksa, manahna raos molongpong, ngagalasar, karaosna, katampi ku anjeunna, kasauran Dalem Ukur, nu sakitu tumamprakna.
- Kangrai mugi tingali, Sultan Agung ti Mataram, waktos Kakang bade mios, maparin kapercantenan, nu mingpin peperangan, dina prungna mundur unggul, Kakang anu tanggel jawab.
- Bingah anu tanpa tanding, Raka Dalem pamingpinna, kapercanten ku Pagusten, kahormatan agung pisan, Rai Dalem ngiringan, pilahir Dipati Ukur, jiga anu ngandung maksad.
- Kahayang Kakang pribadi, sadaya bala bantuan, pasrahkeun ka Kakang bae, nu dipalar sagemblengna, dina cepengan Kakang, ngahiji supaya campur, antara Sunda jeung Jawa.
- Rai Dalem hayang nguping, anu jadi kawajiban, dipaparin damel naon, upami sadaya balad ngahiji sagemblengna, pisaur Dipati Ukur, katingal jiga nu heran.
- Entong seueur nu digalih, Kangrai ngabantu Kakang,
31
