Ieu kaca geus divalidasi
- pikeun engke di mana gerna bertempur, sangkan terang kana jalan, keur asup sinareng balik.
- Geus cukup panalungtikan, rerencepan jurutelik baralik, saperti keur waktu maju, mulang ka pasanggrahan, gagancangan lapor ka Panglima Ukur, nerangkeun pihak Walanda, nu jumlahna teu saeutik.
- Balad Mataram jeung Sunda, saban waktu maranehna papanggih, unggal poe henteu putus, ngarayakeun hubungan, keur ngasakkeun babadamian nu luyu, siasat panarajangan, ngagempur kota Batawi.
- Ti dua pihakanana, geus netepkeun sikep taktik politik, hasilna tina barempug, dina prung na narajang, geus satekad waktu badami panutup, moal rek pakia-kia, sauyunan jadi hiji.
- Panarajang nu munggaran, geus mupakat moal dirobah deui, diayakeun malem Minggu, di mana surup bulan, pukul tilu mimiti bareng ngagempur, waktu pangjagaan lemah, waktuna anu mustari.
- Kocapkeun pihak Walanda, kumpeni teh jigana geus caringcing, nu dipingpin ku Mur Jangkung, lantaran kawasna mah, samemehna balad Mataram carunduk, nyarahoeun rek dijorag, ti Batawi rek diusir.
- Anu tangtu maranehna, siga gugup mani henteu caricing, ngadadak bentang diwangun, tur ngatur pertahanan, serdaduna jumlah-jamleh dua rebu, kitu ge balad campuran, jeung prajurit meunang meuli,
- Ari serdadu sewaan, bangsa Cina - Jepang reujeung pribumi, sesa balad nu kapungkur, balad Wijayakrama, anu kaolo ku tipu daya Mur Jangkung, nu ngalih ka Tirtayasa, ku Sultan Banten ditarik.
- Barang serdadu Walanda, nyarahoeun manehna rek diusir, Batawi sidik dikurung, ku Mataram jeung Sunda, unggal poe ti benteng patingjalegur, ngabedil ka pasanggrahan, ngulon ngetan saban usik.
- Malah sawaktu-waktu mah, ku mariem nepi ka eundeur bumi, tapi ku lantaran jauh, rada anggang pernahna, tur
47
