Ieu kaca geus divalidasi
-
daerah.
- Kacaturkeun peutingna mah teu ngagempur kabeh henteu gerak, ngan pada caricing bae, bari ngantos laporan ti palih wetan.
- Kangjeng Ukur wengi eta teh nyulumun, angkat rerencepan, mapay jalan anu simpe, disarengan Senapati Suranangga.
Magatru
- Pasanggrahan Bahureksa nu dijugjug, anu harita geus hasil, ka jero kota geus asup, merenah di sisi parit, ngan ayana di nu jolok.
- Bahureksa katarajang ku pagebug, keur muriang panas tiris, malaria nuju kambuh, ngagibrig maksakeun calik, estuning matak hawatos.
- Anjeunna teh marentah para Tumenggung, sareng para Senapati, peuting eta sangkan maju, narajang benteng Kumpeni, kudu gancang disorobot.
- Mapadonan ka nu rek arindit nyerbu, sangkan benteng teh kacangking, tapi lamun teu karebut, akibatna matak risi, engke Mataram nu repot.
- Jayengrono Senapati nu kamashur, tameng dada nu pinilih, nyaurkeun Dipati Ukur, ka dieu nepangan deui, bade barempag nu paos.
- Barang gok ge sareng Dipati patepung, Bahureksa imut manis, tatamu enggal diaku, satata diajak linggih, temong sami-sami sono.
- Dalem Ukur nyarioskeun waktos nyerbu, ngajorag pihak Kumpeni, saurna teh kitu-kitu, malah musuh ngajak dami, ngan ditolak bisi ngolo.
- Bahureksa muji ka Dipati Ukur, raos kahutangan budi, bela satia satuhu, katampina lahir batin, kersa ngalayad nu nombro.
- Ku anjeunna nya daradad dipihatur, ngadadarkeun hal prajurit, balad Mataram teh ripuh, keur pinanggih jeung kasedih, ujian ti Gusti Alloh.
- Babakuna meh saparo nu teu maju, henteu bisa milu
55
