Ieu kaca geus divalidasi
- an, ka dunungan nu karek jol, tas patroli pendek jeung Jendral Walanda.
- Ku Dipati dipariksa anu husus, saurang-saurang, laporan anu tetela, kaayaan pasukan-pasukanana.
- Mariksana lain bae hal bertempur, tapi kasehatan, sandang pangan bahan poko, anu penting sumanget kaprajuritan.
- Sanggeus rengse laporan dianggap cukup, nembean miwarang, ka Suranangga ngadongeng, nyaritakeun sagala nu karandapan.
- Suranangga bubuhan jelema luhung, tur ahli carita. dibarengan peta hade, nu ngupingkeun pohara pogoteunana.
- Sarerea gogodeg jeung tingarangguk, hareraneun pisan, diselang ku tingkalecrek, dibarengan maruji ka Nu Kawasa.
- Satutasna Suranangga pok misaur, mungguhing satria, anu leber ku wawanen, dibarengan kasantikan kajatmikan.
- Iasaeun meruhkeun anu keur napsu, tur angkara murka, amarah sareng wewesen, musuhna teh neyektek teu walakaya.
- Saterasna ditema ku Dalem Ukur, memang leres pisan, namung ulah petot-petot, pangjaringna Pangeran anu diteda.
- Sarta muntang kana pangraksa Nu Agung, Pangeran nu jembar, Anu Murbeng Alam kabeh, sangkan urang kenging Rahmat ti Mantenna.
- Asal urang ngabogaan tekad jujur, suci turta iklas, keur ngabela umat kabeh, Insya Allah ku Anjeunna diijabah.
74
