Ieu kaca geus divalidasi
- Pasundan keur kokolot.
- Keur marentah sakabeh para pangagung, atawa para Bupati, ka sing saha nu teu nurut, sumawonna pangkat Patih, kami kawasa keur mocot.
- Jeung na deui Patih teh can nyaho kitu, dunungan maneh nu indit, si Wangsataruna Ukur, eta teh badega kami, tukang kuda di Karaton.
- Mun manehna masih keneh aya umur, ka dieu heug balik deui, ku kami baris ditundung, rek diusir sina indit, di dieu ulah ngarongrong.
- Kudu nyaho ku lantaran Dayeuh Ukur, rek dijieun tempat kami, Kadaleman pikeun matuh, teu meunang disisi kudi, geus aya idin Karaton.
- Ngadangukeun omongan nu sugal kitu, manahna Juragan Patih, mentegeg manah hanjelu, henteu asup ngawawadi, rek ngalawan teu wantun srog.
- Arek nyanggah kumaha peta teu sanggup, taya pikeun batur wani, nu satia wantun nulung.lieuk deungeun lieuk lain, Nagara keur disorobot.
- Henteu tahan nandang kapeurih kawuyung, jung anjeunna jengkar mulih, ciso ca munggah murubut, nangis bawaning ku nyeri, jung ngantunkeun Ronggonoto.
- Ronggonoto jalang-jeleng ngaler ngidul, nulak cangkeng muril kumis, ieu aing uyah kidul, mo aya nu kumawani, nu ngalawan diborogod.
- Harita ge manehna aya di luhur, geus ngeusian Srimanganti, padaleman Kangjeng Ukur, ngandih Juragan Dipati, sina ngalih ti Pendopo.
Kinanti
- Juragan Patih nu wuyung, ti Srimanganti teu mulih, ka gendeng anjeunna nyimpang, nepangan ka Dalem Istri, kasondong sareng putrana, ngaos Kur'an kitab Suci.
- Ti sabadana dikantun, ku Pangeran Adipati, damelna netepan hajat, sareng ngaos kitab Suci, disarengan ku kanaat, henteu kendat nyenen kemis.
77
