Ieu kaca geus divalidasi
- nana, ngabantuan Mataram ge, da rahayat geus diruksak ku ba-
turna.
- Pangna urang suka rela iklas tarung, ngarurug Walanda, ngandung maksad anu hade, sangkan urang teu diranjah ku nu lian.
- Buktina mah hanas urang milu nempuh, kalah ka dihina, ku Dipati Ronggonoto, dibantuan di tukang hayoh ngaruksak.
- Prak ditema ku Ngabehi ti Taraju, leres sapamendak, sareng abdi Dalem oge, enggal mulang rahayat urang belaan.
- Kawajiban lain ngan di dieu wungkul, lemah cai urang, kedah dijaga nu hade, henteu suka rahayat diranjah semah
- Mun teu enggal dibujeng sarta digempur, somah tambih reksak, ku emutan mulih bae, paripaos ngaduruk imah sorangan.
- Bapa Umbul Medangsasigar nu nyusul, kekentong Pasundan, jalma leber ku wawanen, kalan-kalan sentak badakeun lakuna.
- Abdi Dalem mireng wartos model kitu, ngaraos dihina, tetela dikerja-bodo, mun kieu mah berjoang taya gunana.
- Geus ditipy supaya ngantunkeun lembur, bari dihianat, di tukang mah dikorowot, geus diranjah dirampas kamerdikaan.
- Ku emutan ku Dampal Dalem kamaphum nu kitubudina, upami diantep bae, moal boa engke ngajabel Nagara.
- Mun teu enggal diwarah terus dikepung, ngaraoskeundosa, tangtos rahayat ngaromong, pamingpinna geus ninggalkeun kawajiban.
- Kaduana dianggap bodo balilu, ka payun dijaga, ti pengker bet dikorowot, geus terang ge ku urang henteu digebah
- Sabadana taya deui nu miunjuk, Dipati mariksa, kumaha ari nu sanes, na satuju ka nu geus salasauran?
- Sarerea mani ear saur manuk, pada ngarempagan, samiuk ngahiji kabeh, nu maksudna rek ninggalkeun medan
87
