Ieu kaca geus diuji baca
- Nu kahiji geus ngabunuh, geus maehan hiji Muslim, nu kitu sah dipaehan, geus halal diarah pati kaduana Islam murtad, ngalanggar parentah Gusti.
- Golongan anu katilu, nu wajib kudu dipeuncit, jelema milampah salah, lacur carulang-caruling, nu wani ngalanggar syara, tetela lain sim kuring.
- Sim kuring bade dibunuh, dipaksa bade dipeuncit, kalawan taya alesan, antawis tilu nu tadi, mun kitu ngabedah adat, matak dilanat ku Gusti.
- Emutkeun engke di payun, wawales Nu Maha Suci, nu ngayakeun pembunuhan, akibat tina mateni, papaksa ngarebut jiwa, ahirna pinasti peurih.
- Apesna turun-tumurun, matak hina lahir batin, nepi ka lebur kiamat, baris jadi saban usik, mo eureun perang sudara, ti aranjeun nu darengki.
- Ku sim kuring geus kamaphum, aranjeun nepi ka wani, rek maehan ka Halipah, geus keuna ku propakasi, geus diasut ku nu lian, supaya Muslimin leungit!”
- Cumeluk bari tutunjuk, jigana sina kaharti, sangkan teleb jeung karasa, ku karaman hu ngaruping, sina mengkek amarahna, leler teu rek panas teuing.
- Sakitu anu kahatur, nurutkeun jalanna gurit, kapendak dina sajarah Halipah nuju mepeling ka komplot barontak, ngan darma mundur ti Yasrib.
Durma
- Dina pupuh anu nembean kaliwat, Halipah keur mepeling, nasehat karaman, nu tetep rek ngalawan, ngarogahala mateni, Halipah Usman, dugi ka mati sahid.
- Antawisna nasehat Halipah Usman, mun anjeunna
q
102
