Ieu kaca geus diuji baca
- Tugas tentara Muslimin, mindeng pisan perang rongkah, ngalawan musuh galede, turta lengkep gagamana, sampurna purasena, saperti perang di Uksus, Kartago sareng Lianna.
- Geus kitu kersaning Gusti, Pangeran nu sipat Rahman, Muslimin can nyorang kawon, kasoran di medan perang sabalikna sok meunang, geus unggul meakkeun batur, porn na loba pisan.
- Tuan Giben hiji ahli, sarjana Barat geus moyan, anjeunna kantos nyarios, rusiah tentara Islam, sababna unggul perang, ku jiwa pahlawan luhur, jeung sumanget perjoangan.
- Kajabi sumanget tadi, sareng roh kapahlawanan, kadua pingpinan hade, ti nu jaradi Halipah, saperti Abu Bakar, Umar - Usman nu malashur, barisa milih bawahan.
- Rata-rata nu kapilih, ti unggal-unggal angkatan, angkatan darat laut ge, diangkat kana panglima atawa laksamana, kabeh pahlawan jalujur, pejoang anu maroyan.
- Pangkuan Giben tadi, dibenerkeun ku baturna, nelah Georges Ropore, sarua bujangga barat, kawentar geus maroyan, nerangkeun Islam teh luhur, ahli nagara jeung perang.
- Georges parantos nulis, nerangkeun jajahan Islam, wuwuh lami wuwuh gede, meh kabeh buana tengah, usahana pahlawan, prajurit Islam maranggung, nalika Halipah Umar.
- Tapak Amiril Muminin, nalika Halipah Usman, tetela sarta katembong, lebah nyiptakeun armada, Angkatan Laut Islam, di Laut Tengah kaceluk, jasana gede pohara.
- Armada Laut teh penting, geus nyieun hiji lantaran, ancurna musuh nu gede, ti tentara karajaan, raja Romana wetan, nu manggung ratusan taun, di Siria jeung Aprika.
- Halipah Usman geus nyobi, kungsi ngintunkeun Tentara ka gunung anu pinuh ku es, keur perang di Ajerbijan, ahirna
109
