Ieu kaca geus diuji baca
- Ku margi tangtungan rayat, nu satia taat sarta ngalarti, ka Halipah nu, keur napsu, ngagolak amarahna, geus ne- rangkeun taya lian kudu maju, merangan ka Muawiah, Gubernur nu lanca-linci.
- Geus aya kepercayaan, sarta kenging dukungan nu pasagi, ti rayat rawuh pangagung, nu aya di Madinah, Halipah teh manahna ngaraos sukur, sabab pamadeganana, kiwari meujeuhna jurit.
- Ti dinya gancangna tandang, singkil kesit tekad ngabela diri, Halipah meujeuhna nangtung, ngayonan nu rek perang, Muawiah pangkatna hiji Gubernur, geus wanieun kurang ajar, meujeuhna kudu diusir.
- Pangumuman nangtang perang, hiji tawis ngajakan lawan jurit, harita terus diatur, sawewengkon Siria, geus dianggap wilayah kaasup musuh, henteu toat ka nagara, Gubernur kudu diganti.
- Panglima Angkatan Perang, nu ngarangkep jeung Amiril Muminin, harita parantos ngatur, nyeluk kabeh Panglima, sadayana dibere bandera tempur, upacara mangkat perang, Halipah mingpin pribadi.
- Para Jendral nu rek tandang, geus dilantik sarta teras arindit, pasukanana diatur, kocapkeun kabeh gerak, prajuritna nepi ka puluhan rebu, pasukan demi pasukan, arindit ka medan jurit.
- Halipah teu acan puas, ti Madinah dianggap tacan mahi, pasukan anu dikintun, keur merangan Siria, dipandangna leuwih leutik batan musuh, pasti pisan baris beurat, matak tiweuh ka prajurit.
- Parentah teras disebar, mangrupikeun instruksi kilat penting, ka saban-saban Gubernut, ka Mesir Basrah Kupad, ditambih ka propinsi nu jarauh, supaya ngirim bantuan, pikeun ngepung kota Damsik.
143
