Ieu kaca geus diuji baca
- Jadi Amiril Muminin, gagah rongkah cukup cocog, pahlawan gede pangaruh, taya deui lintang Jubir, keur ngora loba kabisa, kapetengan umat Islam.
- Sakitu anu digurit, ngeunaan pupuh wirangrong, lalampahan bedangpundung, tilu pamingpin nu aksi, Aisah Jubir jeung Talhah, malungkur pindah ka Mekah.
Pangkur
- Ka Mekah Talhah geus datang, kitu deui Abu Jubir geus tepi, jeung Aisah geus patepung, tembong saruka bungah, gunem catur sosonoan anyar tepung, nu jadi bahan obrolan, nerangkeun Madinah rujit.
- Nu nguping teh teu saurang, ceuk Aisah di Mekah oge sami, kaayaan geus meh hurung, karasana geus panas, sabab beja juljol ti kenca katuhu, narerangkeun di Madinah, perkawis Usman jeung Ali.
- Aranjeun terang sorangan, barometer ukuran yen geus kritis, digeunjleungkeun beja umum, tacan puguh sumberna, sok hawatir dijieun ku nu barurung, nu matak geura nyarita, aranjeun terang pribadi.
- Daradad Talhah nyarita, gunta-ganti dibarengan ku Jubir, pepeta sinareng napsu, ambek bengkah jeung Madinah, bendu ka Halipah Ali.
- Sanggemna teh nu kawarta, di Madinah Kaayaan geus genting, saban waktu timbul rusuh, beunkeutan nyata rusak, kajujuran kabatilan campur baur, hianat marajalela, sirik pidik geus ngajadi.
- Nu lemah ngarasa susah, nu laleutik kantun sedih prihatin, gulak gileuk kantun bingung, teu puguh nu dicabak,
148
