Ieu kaca geus diuji baca
- na mah timbul geumpeur teu paruguh, geus teu ngurus kawajiban, ngan wungkul bingung jeung risi.
- Nu matak gaduh emutan, taya deui nu kudu tandang nyaring, sanggup nungtun reujeung ngurus, Mekah ngoper pingpinan, tur ngayakeun tindakan urusan hukum, nu nyiksa Halipah Usman, beunangkeun sina beresih.
- Ayana anjuran Talhah, sareng Jubir di Mekah timbul deui, golongan pihak katilu, nu jadi pemberontak, rayat Mekah tetela keuna pangaruh, ngumumkeun siap sayaga, wani tarung lawan jurit.
- Pandaftaran geus di buka, saban menit pahibut heurin usik, Abu Talhah anu ngatur, sareng Siti Aisah, nu geus daftar nepi ka puluhan rebu, sadia jadi tentara, wanita ge geuning sami.
- Ngayakeun babadamian, tur mutuskeun yen Basrah nu kahiji, ti payun kudu direbut, ti heula kedah beunang, ti Basrah mah babari keur ngatur tarung, ngarebut kota Madinah, ti leungeun Halipah Ali.
- Lantaran di kota Basrah, Ibnu Amir Gubernur nu diganti, pangaruhna masih alus, sarene sahabat Usman, nu di Basrah pangaruh masih cukup, sakali ngajorag beunang, tur teu, kudu banjir getih.
- Gubernur Amir ti Basrah, jeung Al'Ala ti Yaman nu diganti, duanana geus malabur, geus ngahiji di Mekah, mawa duit jumlahna ratusan rebu, mangrupakeun kas nagara, geus aya di leungeun Jubir.
- Diaranggo modal perang; kahijina keur ngagajih prajurit, cukup keur puluhan rebu, kaduana gagaman, alat perang, perlengkepan nu perelu, pedang panah baju waja, gada keris reujeung bandring.
- Katilu obat-obatan, kaopatna angkutan nu parenting,
149
