Ieu kaca geus diuji baca
- Talhah Jubir geus ngarebut kota Basrah, ceuk itungan Masehi, ping salapan welas, Oktober pertengahan, taun genep ratus Jeuwih, lima puluhan, angka genep panambih.
- Taun Hijrah tetela aya ringkukna, di handap rek ditulis, ping opat likurna, bulan Rabiul Awal, taun tilu puluh leuwih, genep langkungna, Islam keur repolusi.
- Harita teh pemberontak ngintun serat, ka Siria jeung Mesir, nerangkeun gambaran, nembongkeun kaunggulan, Siti Aisah teu cicing, sami nyeratan, eusina leuwih penting.
- Ditujukeun ka Madinah jeung ka Kupah, ka Yaman oge sami, ngagero rahayat, dipenta sina misah, supaya ninggalkeun Ali, nungtut balesan, nu salah kudu nyingkir.
- Karaman teh nu nelasan sayid Usman, supaya gasik leungit, supaya bareunang, kusabab harianat sanajan Halipah Ali, lamun hianat, tangkep gasik pateni.
- Rayat Basrah sarerea ku kudu beat, ka Talhah jeung ka Jubir, geus abrul-abrulan, nepi ka sanagara, beurang peuting silih ganti, tunduk satia, sieuneun dipateni.
- Keur nyingkahan sakwasangka jeung curiga, ka Talhah jeung ka Jubir, dina kadudukan, ngatur pamarentahan, putrana teh silih ganti, jaradi imam, tembong layeut ngahiji.
- Rasa cinta ti rahayat can katingal, ka Talhah jeung ka Jubir, komo sanggeus ngancam, ngayakeun peperangan, ngajorag Halipah Ali, rahayat nolak, narah marilu jurit.
- Ku kituna sumanget Jubir jeung Talhah, ngurangan jadi kecing, katambah teu lila, geus 4Y2 pangumuman, tentara nagara resmi, mo lila datang, ngahaja bade jurit.
- Talhah Jubir geumpeurna sidik katingal, tetela miris gimir, inggis bener datang, sok komo diperangan, ku beja ge geus ngalacir, paheula-heula, mungkur teu ngusap birit.
161
