Ieu kaca geus diuji baca
- Kakuatan Siti Aisah jeung Talhah, ditambih Abu Jubir, tilu tikel pisan, leuwih gede ti Astar, pasukan Astar mah leutik tapi garagah, warani perang tanding.
- Talhah Jubir Aisah teras barontak, nyerang Halipah Ali, nu jadi alesan, nungtut pemberontakan, karejem wani mateni, Halipah Usman, jadi dasar politik
- Astar sareng Muhammad bin Abu. Bakar, ditambih sanes deui, geus nelasan Usman, jadi marga lantaran, bonganna sistim pamili, ngangkat golongan, nu saries teu dipikit.
- Ari Talhah Jubir jeung Siti Aisah, nyerang Halipah Ali, sababna narolak, yen Halipah henteu sah, Halipah Ali teu cicing, minang saraya, ka Astar jalmi keji.
- Abu Astar jeung Muhammad caruriga, lamun teras badami, Halipah jeung ‘Talhah, basana peu cilaka, nu pasti teu kenging mungkir, kudu narima, ku musuh dipateni.
- Abu Astar jeung Muhammad geus mupakat, tekad ngabela diri, samemeh sumerah, tanggoh ngalawan heula, rek ngajorag Talhah Jubir, Siti Aisah, rek dibasmi beresih.
- Rek dikepung jeung dihadang waktu pajar, supaya teu kaciri, di mana der perang, musuh: tangtu ngaduga, nu nyerang Halipah Ali, Siti Aisah, pasti ngalawan jurit.
- Pihak Ali jeung musuhna nu ti Basrah, Aisah Talhah Jubir, geus silih hareupan, awas patingal-tingal, jiga nu hayang ngahiji, geus silih gupay, ciri warening galih.
- Harita bener-bener kajadian, sasihna Januari, taunna kawarta nembe genep ratusan, lima puluh tujuh mahim taun umumna, ceuk itungan Masehi.
- Mun nurutekeun ceuk etangan taun Hijrah, ningal sajarah resmi, taunna diserat, tilu puluh genepan, tetela teu acan lami tacan saabad, ti pupus Kangjeng Nabi.
167
