Ieu kaca geus diuji baca
- Saleresna anu jadi kapalayna, rekep dibungkus buni, soal kalungguhan, hayang jadi Halipah, anu matak beurang peuting, geus banting tulang, mitnah Halipah Ali.
- Pasukan teh geus amprok di medan perang, di Padang pasir Sipin, kuloneun Arakah, pasukan Muawiah, ngalawan pasukan Ali, sarua Islam, tetela sami wani.
- Duanana dina taktik peperangan, bubuhan pada ahli, ti jaman baheula, Ali ahli siasat, salamina unggul jurit, bentang lapangan, Muawiah meh sisip.
- Harita ge anjeunna nyongcolang pisan, Jendral Amru meh miris, taktikna dirobah, ngagunakeun gerilya, teu ngayakeun perang tanding, ancur-ancuran, jurit papelit-pelit,
- Tilu bulan darder perang leuleutikan, beurang peuting teu cicing, geus Jegal-jegalan, Islam sinareng Islam, paamprok di medan Sipin, barata yuda, korbanna teu saeutik.
- Jendral Ali beurang peuting ngiring tandang, di lebet tilu sasih, saban pertempuran, pasukan anu meunang, pasukan Halipah Ali, ti Muawiah, tipuh marandi getih.
- Ningal korban Halipah ampir teu nangan, manahna sering nangis, ceuk emutanana, duanana ge Islam, gempar ku korban Politik, nu tanggung jawab, tetep nya kudu aing.
- Muawiah ku anjeunna ditangtangan, diajak perang tanding, rek paduduaan, tong loba teuing korban, ti dua golongan sami, sarua Islam, kapentingan Pamingpin.
- Muawiah terangan yen ALi gagah, bantengna medan jurit, anjeunna geus nolak, teu wantuneun ngalawan, majar maneh lain tanding, ngalawan jendral, lain lawaneun aing.
- Diteraskeun Perang campuh bebeakan, geus dordar saban menit, pedang lawan pedang tumbak ngalawan tumbak,
194
