Ieu kaca geus diuji baca
- ahli hukum, kapercaya pikeun wakil, nyanghareupan musawarah ngayakeun babadamian.
- Abu Musa sidik yakin, anjeunna teh moal poho, Kalipah Ali nu manggung, nu baris bisa kapilih, kulantaran bijaksana, tur nyaahan ka rahayat.
- Hanjakal waktu pasini, geus maju patorong-torong, sarerea matak paur, sanes layan sanes tanding, Abu Musa geus kasoran, can terangeun pangalaman.
- Pangkatna ngan juru tulis, tukang ngarang paririmbon, untungna nyieunan buku, teu ngarti kana politik, sok komo kanagaraan, adu renyom tara pisan.
- Jendral Amru beda deui, ahli perang tembong kahot, ngolotok perkawis hukum, hukum perang jeung’ politik, siasat jalanna perang, tur apal tata nagara.
- Amru As’ari sareuri, duanana sapatotos, badami teh sasih payun, Ramadon kaping sahiji, Ali sareng Muawiah, kudu hade lir biasa.
- Sarua sami Muslimin, kekentong pada kekentong, pamingpin papayung agung, panyaluuhan nu leutik, aya dina peperangan, marebutkeun kalungguhan.
- Korbanna henteu saeutik, nepi ka mangewon-ewon dua nana sami ripuh, geus minuhan medan bakti, maraot di pangperangan, politik teh nyata jahat.
- Tempatna geusan badami, milin kota anu cocog, nu kapilih kota Adruh, ti Ma’an — Petra ge tebih, di jalanan ka Madinah, ka Damaskus jeung Siria.
- Taunna anu kawarti, tetela sarta katembong, dina taun genep ratus, lima pulvh masih tambih, panutup angka dalapan, Masehi pikeun ugeran.
- Amru ahli diplomasi, Musa ahirna kagelo, dibobodo
197
