Ieu kaca geus diuji baca
- Hiji waktu maranehna geus ka luar, meuntas walungan Tigris, arasup ka Irak, meureun ngabebegigan, teu lami baralik deui, ka nagarana, ukur nembongkeun gigi.
- Buktina mah keur perang nu sabenerna, saperti keur di Sipin, pikeun Muawiah, teu wanieun ngalawan, ngan ukur jadi bebegig, ngabebedaan, dijorag teu barijil.
- Halipah ge jigana_kirang tanaga, pasukan anu kumplit, keur ngepung Siria, nepi kabebeakan, kapaksa ngagero deui, ti unggal tempat, prajurit nu pinilih.
- Geus katingal Halipah kurang sayaga, waktu Busur nu bengis, pihak Muawiah, datangna rek ngajorag, teu bisa gasik diusir, lebah harita, Busur geus ngeunah seuri.
- Ka Madinah Busur geus mawa pasukan, tilu rebu prajurit, maksudna rek maksa, ngajakan rahayat, supaya pindah ngahiji, ka Muawiah, ngantun Halipah Ali.
- Nu teu nurut ka Busur gancang diancam, diteken tek dipeuncit, saha nu teu beat, henteu ngaku Halipah, ngaku Amiril Mu’minin, ka muawiah, pasti moal hirup deui.
- Madinah ge karasana beuki panas, harengheng matak ketir, rahayat di paksa, Gubernur ngantun tempat, ka Kupah lumpat ngabecir, niat laporan, rahayat kantun ceurik.
- Geus Madinah ngerembet teras ka Mekah, Busur ngayakeun aksi, biasa papaksa, teu beda* di Madinah, Gubernurna sami ngacir, lumpat ka Kupah, diancam rek dipeuncit.
- Beres Mekah Busur teh pindah ka Yaman, di dieu aksi deui, kumaha di Mekah, rahayat sina beat, sina tunduk jadi hiji, ka Muawiah, nu nolak jadi mayit.
- Gubernurna putrana Ki Tbnul Abbas, sarua lumpat
215
