Ieu kaca geus diuji baca
- Pedang Muljan nu ngucur pinuh ku getih, geus beunang dirampas, manehna ceurik ngawiwiw, di koroyok ku rahayat.
- Blag-bleg dor dar teuteungeul geus jadi hiji, Ibnu Muljan rusak, ngalempereh teu eling-eling, mandi getih baloboran.
- Baturna ge nu saurang geus teu usik, geus teu walakaya, disiksa dibuntang-banting nepi ka misan harita.
- Ngan hanjakal ari nu saurang deui, nu jaga di luar, ngadurugdug lumpat tarik, sanajan geus bari pincang.
- Waktu lumpat dikepung kaom Muslimin, jeung dibaledogan, bar ber batu anu tarik, ngeunaan kana sukuna.
- Sagigireun nu ngepung ka urang Taim, sabagian umat, nguruskeun Halipah Ali, dicarandak ka bumina.
- Untungna teh Halipah bet tetep eling, tur katingal kiat, anjeunna teras wawarti, kaputrana nelah Hasan.
- Lamun bapa dipundut Nu Maha Suci, tur nepi ka ajal, Muljan kudu dipateni, satimpal reujeung dosana.
- Ngan cuan ulah pisan dinyenyeri, jeung dikaniaya, dicegah ku Kanjeng Nabi, dilarang ku Rasulullah.
- Pangiringna tumaros bari jeung ceurik, naha kapayunna, milih Amiril Mu’minin, kang putra pikeun gentosna.
- Walonna teh eta mah teu langkung teuing, moal rek ngahalangan, sabalikna mo ngurihit, nyanggakeun ka umat Islam.
- Saterasna Halipah teh pok mepeling, ka dua putrana, ka Hasan Husen ge sami, sangkan hirup tarawekal.
- Iklas manah sinareng suci beresih, tur karena Allah, sarta kudu silih asih, paeh hirup babarengan.
223
