Ieu kaca geus diuji baca
- Muawiah hiji wanci, memang leres nyata tandang, paeh poso soson-soson, ngajorag Konstantinupal, tujuh taun lamina, Sulaeman oge kitu, hasilna saeutik pisan.
- Taunna cenah kawarti, Muawiah nuju tandang, taun genep ratus keneh, sareng tujuh puluh dua, itungan Masehi, ti harita maju terus, ngarebut Konstantinupal.
- Anjeunna teh mundur deui, ngantunkeun Konstantinupal, taun genep ratus keneh, jeung tujuh puluh dalapan, gentos ku Sulaeman, neruskeun nu maju ngepung, dihantem taya reureuhna.
- Sulaeman waktu kesit, ngagantian Muawiah, taun tujuh ratus keneh, tambah angka tujuh welas, terus-terusan perang, taun lapan welas mundur, bari teu aya hasilna,
- Ahirna nagri Rumawi, atawa Romana wetan, jadi pertahanan gede, meh nepi ka opat abad, kota Konstantinupal, pikeun bangsa Bijantium, tembong jadi kamegahan.
- Aya deui anu penting, keur nambahan pangalaman, geus kitu kersaning Allah, Abu Sopyan musuh Islam, musuh Nabi Muhammad, keur waktu Mekah dikepung, geus nyerah tur asup Islam.
- Anjeunna ngaji ngabakti, ngadidik para putrana, gedena kabeh katembong, jaradi pahlawan Islam, anu loba jasana, nuju ngarebut Damaskus, putrana kabeh berjoang.
- Muawiah nu kahaji, nu kungsi jadi panglima,kawentar sarta kasohor, di lautan jeung daratan, di daerah Siria, ngarangkep jadi Gubernur, di Damsik sapanjang abad.
- Kaduana nelah Yasid, ieu ge asup pejoang, geus kungsi jadi gegeden, Jendral ti angkatan darat sami gede jasana, di Damsik anjeunna pupus, kasuran di pangperangan.
- Katiluna mah srikandi, katelahna Juwariyah, mojang
