Ieu kaca geus diuji baca
- kalawan jeung hade-hade, Mantenna bingaheun pisan, sareng dawuhannana, karajaan Heraklius, bakal panjang sajarahna.
- Kaduana putra putri, katurunan karajaan, Heraklius raja, gede, bakal mangku karajaan, bisa mang abad-abad, tur terus turun tumurun, buktina geus kajadian.
- Sidik bukti katingali, seuweu siwi karajaan, tetep golongan galede, nu ngereh ngurus nagara, nepi ka genep abad, katurunan Heraklius, ngarajaan Roma wetan.
- Suratna ti Kangjeng Nabi, geus jadi arsip nagara, disimpen dihade-hade, bejana danget ayeuna, duta Islam nu datang, katelah Mansur Kalawun, ningal pribadi aslina.
- Sakitu anu digurit, seratna Nabi Muhammad, nu ngandung sajarah aneh, anu jadi pangdeugdeugan, sakabeh umat Islam, Heraklius raja jujur, teu nyatru surat Muhammad.
