Ieu kaca geus divalidasi
XI. MUSUH ISLAM MARUDAH
Durma
- Dina judul tetela katingal pisan, tawis anu rek jurit, Kaiser jeung Islam, Heraklius nu gagah, raja ti nagri Rumawi, rek males Islam, geus ngancam bade ngusir.
- Ceuk sajarah harita keur kajadian, dina taun Masehi, keur genep ratusan, tilu puluh dalapan, itungan Hijrah ditulis, tujuh welasna, Heraklius mimiti.
- Heraklius gancang geus nyieun beungkeutan, ngahiji jeung Badewi, bangsa patalukan, nu taraluk ka Islam, harita kalapir deui, milu ka raja, ngamusuh ka Muslimin.
- Badewi teh Arab Mesopotamia, palih wetan saeutik patalukan Islam, digosok di ajakan, ku Heraklius nulicik, mawa pasukan, Siria rek dibasmi.
- Sanggeus beunang nagri Mesopotamia, Islam kudu caricing, dilarang rek gerak, sanajan ngan salengkah, supaya ngabela diri, keur tatan-tatan, bok bilih jurit deui.
- Geus Siria ku Islam nyerah dijorag, kaamanan geus pulih, kabeh nagri Arab, beurang peuting dijaga, bok aya nu nyiliwuri, rek nyieun onar, caricing pageuh kancing.
- Harita teh kakuatan pihak Islam, tohaga meh pasagi, teu matak honcewang, jumlahna gede pisan, lima puluh rebu leuwih, mun kiwari mah, meureun lima dipisi.
- Najan kitu pihak Islam teu sarakah, rebut ambil alih, nambahan jajahan, ku kalawan jeung maksa contona Asia leutik, henteu dirampas, dijorag komo deui.
- Nu tetela keur perang kemerdikaan, keur ngahangna
150
