Ieu kaca geus divalidasi
dianggo bae, teu mewah jiga nu lian, henteu nurutan raja, gandang-ginding hurung nangtung, Umar mah cukup tambalan,
- Katuangan oge sami, saayana nu kapendak, Anjeunna mah sering kentel, teu rewog jiga nu lian, tuang teh sadaekna, sakapeung mindeng muluntu, kapaksa teras puasa.
- Kajadian hiji wanci, Anjeunna henteu kaluar, tatamu nepi ka jul-jol, hiji ge teu diladenan, sabab nuju nyeseuhan, tamu kapaksa warangsul, bari nyarebat karunya.
- Sanajan jadi pamingpin, jadi Kapala Nagara kiwari meureun Presiden, Anjeunna tetep basajan, teu robah jeung baheula, keur hirup bareng jeung Rasul, henteu aya kagaduhan.
- Mana Amiril Muminin, ceuk jelema anyar datang, hiji tamu nu nembe jol, ka masjid agung nepangan, padahal Umar aya, pedah panganggona butut, teu gandang saperti raja.
- Sakitu anu kawarti, riwayat Halipah Umar, jeung sahabat nu saroleh, nu geus nyalametkeun Islam, dugi ka jalembar, neraskeun tujuan Rasul nu mulya Nabi Muhammad.
— O —
203
