Ieu kaca geus divalidasi
- rahayat supaya soleh, hirup kumbuh babarengan, henteu pakia-kia, aman tentrem hirup rukun, dijero Nagara Islam.
- Sakitu anu kawarti, harepan maksud tujuan, nu jadi bahan pidato, rancana Halipah Usman, natrat dina sajarah, anu kahatur di luhur, sumangga geura lenyepan.
- Sabada di jero tartib, rahayat sanggeus arinsap, aman tengtrem beres roes, Halipah teras ka luar, nguruskeun patalukan, sakabeh Jendral di celuk, diayakeun musawarah.
- Parenta anu kahiji, ngaraksa ka sadayana, nu deukeut sinareng jolok, sangkan teu aya karaman subpersip mun ayeuna, parusuh nu ngawut-ngawut, nu bakal mawa bancana.
- Rahayat kudu dididik, tur dibere panerangan kahade ulah rek poho, kahiji soal agama, kaduana nagara, sangkan tertib hirup rukun, di jero Nagara Islam.
- Mihape golongan leutik, nu tacan arasup Islam, sanajan kumaha oge, maranehna tetep rayat, bogaeun rarasaan, Nasrani Yahudi kitu, Majusi jeung sabangsana.
- Sakumaha ceuk sim kuring, basa keur pidato tea, nu kasebut tadi kabeh, geus nyarieun perjangjian, kahade sing iyatna, mihape ulah di singkur, sok paur malik ngalawan.
- Kaduana ulah lali, nalika Halipah Umar, wewengkon Islam geus gede, ayeuna kedah nambahan, mun bisa sadayana, sakur raja nu can taluk, tong lila kudu geus beunang.
- Kahiji nagara Parsi, nepi ka Hawarismia, dina waktu singget bae, geus aya di leungeun Islam, sing nepi ka walungan, cai nu katelah Oksus, wewengkon Turkimenia.
- Musawarah sanggeus tartib, rapat dines rahasiah, panglima marulih kapeh, mulang ka tempat-tempatna, nu aya di daerah, ngulon ngaler ngetan ngidul unggal madhab kaeusian.
216
