Ieu kaca geus divalidasi
- anu gede anu leutik.
- Lilana ngan tilu tahun, kabeh pangajaran ngarti, geus kaluwar meunang surat, piagem nawiskeun rajin, enggeus tutup pangajaran, ditawis kapala nagri.
- Tapi manah tacan tutug, tacan pisan raos galih, tuluy deui sakolana, nu luhur leuwih titadi, kitu bae satuluyna, Teu bosen nyiar pangarti.
- Lamina hanteu kacatur, masantren di nagri Masir, sakabeh enggeus kajajah, unggal pasantren diungsi, unggal sakola diteang, diajar nepi ka ngarti.
- Kocap Mairin Mairun, ngiring-ngiring enggeus pusing, tungtungna amitan mulang, ”abdi geus teu kiat teuing, hayang gaduh pamajikan, abong enggeus gede teuing.”
- Ku Ibnu Hasan diwangsul: “Nya hade bae silaing, lamun enggeus hayang mulang, urus-urus geusan indit, dewek mah da masih betah, tacan puas nyiar 'ilmi.
- Haturkeun ka rama-ibu, dewek mowal wara balik, nyanggakeun salam jeung hormat, mugi ulah jadi galih, dewek arek teterusan, nyaba ka nagara Turki.”
- Gandek duwa unjuk hatur: ”Sumangga abdi wawarti, unjukan ka ibu-rama, mung nyuhunkeun hibar sidi, [1] mugi salamet dijalan, ulah pendak jeung balai.”
- Enggal Mairin Mairun, mulang ti nagara Mesir, hanteu kocap di jalanna, ka nagri Bagdad geus nepi, seug ngadeuheus ka Syekh Hasan, sumeja hatur tinggali.
- Syekh Hasan kaget ngaranjug, ningal Mairun Mairin, ”kamana ari si ujang, kami mah teu ngarti teuing, jeung maneh teu bareng mulang, cik carita anu sidik.”
- Gandek duwa unjuk hatur, ”kabeh-kabeh jisim abdi, nyanggakeun bebendu tuwan, nu mawi teu sareng mulih, putra
- ↑ basa Arab hartina "Juragan kuring."
22
