karang, tatapi salamiět těpi kadijě, pitoeloenging Alah tě nahon-nahon.
Sanggés datang kadijě, toeloej ama njijěn imah gědong pagĕr bata, goedang-goedang ěnggen barang-barang dagangan, sarta toeloej ama dagang noeloejkěn kalakoewan di Bagdad, madjoe baé dagang téh, tambah-tambah oentoeng.
Gěs kitoe, toeloej ama boga pamadjikan, nja ka indoeng maraněh. Barang gěs boga anak ki Djapar měnang bédja jén di Bagdad mahal béjas.
Soeměblak baé hajang papanggih djeng sobat téja, nja éta ki Abdoerahim, gěs kadělě baé, serta rěměn kaimpikěn; tina koe bawaning sono.
Lalampahan Séh Abdoerahman ka doewa kalina : Toeloej ama měli béjas měnang 200 doewa ratoes kojan, sakojana harga 30 ringgit, djoemblah dina 200 doewa ratoes kojan 6000 ringgit.
Toeloej di moeatkěn ka kapal; ari kapalna, kapal anoe ama, moealimna oerang nagara Miskat, ngaran Ganaim, kongas pintěr élmoe palakna, sĕrta boekti lila djadina moealim, tatjan manggiḥ tiwas; toeloej ama lajar, sědja ka Bagdad; gěs měnang lima wělas pěting di laoet, moealim kataradjang gěring, datang ka něpi ka adjalna maot.
