47 Ganti lampah di Tjiandjoer, tataning noe ahli tani, sawah koedoe kěmběng hěla, masing lalébér koe tjai, prak ngawoeloekoena pisan, masing djěro sarta apik.
48 Sanggěs anggěs ngawoeloekoe, pék ngagaroe masing apik, nja éta ngagaroe kambang, toeloej ngawoeloekoe děi, ngaran nja éta mindowan, gěs kitoe ngagaroe déi.
49 Nganglér ngagaroe panoetoep, ngan kari nandoerkěn bibit, éta kiloe noe kalampah, di Tjiandjoer lakoe noe tani, éta kabéh béda-béda, oenggal dajěh sédjén děi.
II
TIMBANGAN.
ASMARANDANA.
50 Éta gěs těrang téh těing, lakoe lampah noe sasawah, oenggal ěnggon sédjén-sédjen, Bogor Garoet Soekapoera, Pasroewan djěng Banjoemas, éta béda tě sapatoet, salija tě saitoeran.
51 Waktoenagé sédjén děi, tajoh nja éta sababna, tina tě samoesim baé, sapěrti di Pasoeroewan, rada ělat hoedjana di mana-mana gěs njamboet, didinja tatjan mangsana.
