anoe wenang, djung anoe sah[1], djung anoe batal[2], anoe aya dina madzhab imam agoeng, nja éta imam oerang Safi'i[3], rahmatoe ’llah ta'ala alajhi.
baboe fi ma'ripati arkani ’l-imani wa ’l-islami. Tegesna: iju bab aja didjerona nétélakun sakabéhna roekoen iman djung islam. Ari roekoen iman éta genep perkara. Sahidji amantoe billahi, tegesna: kaoela pertjaja ka allah ta'ala. kadoewa wamala'ikatihi, tegesna: kaoela pertjaja kana sakabéhna mala'ikat allah ta'ala. katiloe wakoetoebihi, tegesna: kaoela pertjaja kana sakabéhna kitab allah ta'ala. kaopat waroesoelihi, tegesna: kaoela pertjaja kana sakabéhna nabi roesoel, tegesna: nabi anoe djadi piwarangan allah ta'ala ngadatangkeun paréntah kana sakabéhna makloek[4]. kalima wa 'l-jaumi 'l-achiri, tegesna: kaoela pertjaja kana poé kiamat, tegesna poé pangahirna. kagenep wa 'l-qadri chajrihi wasjarrihi min allahi ta'ala, tegesna: kaoela pertjaja kana sakabéhna papastén, anoe hadé djung anoe goréng, éta kabéh datangna ti allah ta'ala. pasal, iju sahidji pasal. Ari hartina pertjaja ka allah ta'ala, nja éta oerang koedoe pada nganjahokun sarta diimankun dina haté, jén satemen-temenna allah ta'ala éta wadjib[5] kagoengan sipat(6) doea poeloeh. sahidji woedjoed, tegesna: aja Allah ta'ala, éta wadjib, djung sakabéhna sipatna;
