PAMUKA CARITA
Jaman baheula di sisi bangawan Godawari aya nagara ngaranna Pratistana. Demi anu jadi ratu kakasihna Prabu Triwikramasena, putra Prabu Wikramasena, kongas ratu pinunjul, digjaya, gagah lir Batara Indra.
Kacaritakeun saban-saban Sang Ratu keur sinewaka, Sang Wiku Kasantisila kudu bae sumping, milu amum ngadeuheusan sarta bakti buah sahiji. Eta buah pangbakti saban-saban poe oge tuluy- tuluy bae dipasihkeun ka Tumenggung Bendahara (juru simpen).
Hiji mangsa, sanggeus aya sapuluh tahunna Sang Wiku kitu lakuna, kabeneran sabubarna sewaka, monyet kagungan Raja leupas tina cangcanganana. Kangjeng Raja rek lebet ka padale- man, ningali monyet kagungan kokodomangan. Buah nu ti Wiku teh, pangbakti poe eta mah, henteu dipasihkeun ka Tumenggung Bendahara, tapi sok ka monyet. Barang buah kagegel tengah- tengahna, clik gorolong teh mutiara ti jero buah. Geuwat ku Raja dicandak ditingalian, horeng mutiara gede tur alus kabina-bina, hargana lain taksir-taksireun. Gancangna Sang Raja mariksa ka ka Tumenggung Bendahara. ,,Dikamanakeun ari buah nu enggeus- enggeus ti heula?”’
Gebeg Ki Tumenggung reuwas aya pamariksa kitu, pok unjukan mamandapan, ,,sumuhun pariksa Gusti, nyanggakeun sewu bebendu, ti kapungkur keneh oge lajeng keplus-keplus bae dilebet- keun ka kudang dunya barana tina liang hawa kudang, tara dibuka pantona. Manawi aya widi Dampal-Gusti, ayeuna bade diparios.”’
Kawidian ku Sang Raja, ayeuna Tumenggung ngadigdig ka kudang, bray panto kudang dibuka, blus ka jero. Di jero kudang teu lila, gebrug panto ditutupkeun, jepret dikonci deui pageuh. Ulat bungah, tungkul bari imut leutik ngadigdig ngajugjug Ratu, datang-datang pok unjukan,”’ Kaulanun Kangjeng Gusti, nyembah- keun laksa ewon kabingahan, mutiara di kudang bayak baranang, nanging buah sadaya beulah, buyar teu aya pulukeunana. Eta
mah sadaya-daya, abdi Gusti kumambang kana keresa.”’
| 15 |
