Cing geura wakcakeun, hayang ditulungan naon tea?”
Barang Wiku awas ka Raja jeung kitu lahiranana, bungah lain di kieurla, pok haturan: ,,Nuhun sarewu, gerah salaksa. Upami yaktos rido galih, ti dieu kedah angkat ka kidul. Engke itu di ditu mendak tangkal simsapa nenggang, dina dahanna aya mayit lalaki ngagantung. Tah nu jadi sanget panuhun teh, mugi-mugi Sang Ratu keresa mangnyandakkeun eta mayit ka dieu.”
Prabu Triwikramasena, da geus ragrag saur tadi, teu rumegag rek ngalakonan panuhun Wiku, jung jengkar angkat ngidul, nu- mutkeun sapanuduhan. Henteu lila tangkal sinsapa kapendak. Kai rugul, nenggang garing ngarangrangan, balas kahebosan ha- seup panas ti panghuruan, ramang-ramang katingalna rangga- kang di nu poek, bauna teu geseh jeung bangke. Ku Raja geus katingali, sidik aya mayit jalma ngagulawing kana dahan. Teu nolih kotor jeung bau, terekel Sang Raja naek, keplas tambang panggantungan disabet ku pedang sakali sapat. Gubrag mayit ragrag, ngagero jeung ngaharegung, semu nu ngarasa nyeri. Di- nyanaan hirup keneh ku Raja, gancang diburu, dirampaan di- sasaran bawaning ku welas manah. Tapi aneh mayit tuluy nga- barakatak seuri. Sang Raja teger manahna, teu aya geter-pater- na, ku sabab enggeus kagalih, mayit kasandingan jurig, biasana Ratu Teluh anu bisa kikituan, nyurup sumanding ka mayit. Lahir Raja: ,,Naon make seuseurian? Hayu!” Maksad Raja ki mayit arek dipanggul, tapi mayit ngejat manten, ngan sakilat geus gulawing, ngagantung dina urutna.
Dasar Raja sinatria, tara eleh atah-atah, manah teguh sarta wening tanding inten, kalacat deui mayit teh ditaekan. Bret tambangna disabet deui ku pedang, gubrag deui ragrag, ngago- ledag dina taneuh teu usik malik. Raja henteu sasauran, ngan rigidig bae mayit dipanggul. Ratu Teluh anu nyayang dina mayit pok nyarita: ,,Sang Ratu, ambeh jalan asa deukeut, urang nga-
dongeng. Geura dangukeun.”
| 17 |
