dipake tanda, anoe noedoehkun kana ajana Dat Allah Ta'ala djung sakabèh Sipatna.
§ 3. Ari raksaunnana mata tèh, èta opat perkara. Sahidji, koedoe diraksa, oelah dipakè njuung kana sakabèh ka anoe diharamkun, saperti dipakè njuung awèwè anoe sèdjèn. Kadoewa, oelah dipakè njuung moedabilè, tegesna boedjang ngora anoe kasèp, anoe matak aja sahwat. Katiloe, oelah dipakè njuung djalma Islam, sarta dihinakun koe manèh èta djalma Islam tèh. Kaopat, oelah dipakè njuung kana aib djalma Islam.
§ 4. Ari tjuli tèja, anoe matak diajakun koe Allah Ta'ala di manèh, soepaja dipakè ngadèngèkun anoe ngadji Koer-an, djung anoe ngadji Hadis Nabi, sala'llahoe 'alaihi wasallam, djung soepaja dipakè ngadèngèkun anoe ngadji Oesoel, anoe ngadji Ilmoe Pakih, anoe ngadji Ilmoe Tasaoep.
§ 5. Ari raksaunnana tjuli tèh lima perkara. Hidji, tjuli tèh koedoe diraksa koe manèh, oelah dipakè ngadèngèkun sakabèh bid'ah, anoe ditjela koe Sara', anoe hantu moewapakat djung Sara'. Kadoewa, oelah dipakè ngadèngèkun anoe ngoepat: djung dui èta dosa ngoepat tèh oelah disangka tangtoe ka anoe ngomong baè, anoe ngadèngèkun ogè saroewa baè dosana djung anoe ngomong tèh. Katiloe, oelah dipakè ngadèngèkun omongan djapakan, anoe hantu manpa'at akèrat. Kaopat, oelah dipakè ngadèngèkun omongan anoe sija-sija. Kalima, oelah dipakè ngadèngèkun djalma, anoe ngomongkun kagorèngan batoer manoesa.
§ 6. Ari lètah tèja, anoe matak diajakun koe Allah Ta'ala di oerang, èta nja èta soepaja ngalobakun dikroe-llahi Ta'ala, djung soepaja dipakè getol, matja Koer-an, djung soepaja noedoehkun ka sakabèh kawoela Allah Ta'ala kana djalan, anoe matak datang ka Allah Ta'ala, ka nagara akèrat. Djung dui lètah pikun ngadjak kana migawè kahadèan djung pikun njaram kana migawè kagorèngan, djung soepaja manèh munang nganjatakun koe lètah tèh ka karep, anoe aja dina hatè manèh, karep doenja atawa akèrat.
§ 7. Ari raksaunnana lètah tèh, nja èta tina dalapan
