Poentang nama Raralisning: diangkat prameswari dan soedah boenting doea taoen blom branak.
Praboe Lingga wĕsi panggil doktĕr boeat obatin bininja jang boenting tiga taoen blom branak.
Akĕn mĕnĕrangkĕn: apa bĕtoel branak atawa penjakit?"
Doktĕr bilang: bĕtoel boenting, maka tida branak, toenggoe waktoe."
Satoe waktoe Praboe Lingga wĕsi dan bininja sore djalan-djalan di empang bĕsar sĕkalian ambilin kĕmbang dengĕn soeka-soeka ati.
Tjoemah Dewi Bradja Iara, iboenja, tida toeroet.
Troes Dewi Bradja lara soeroean orangnja panggil Praboe akĕn poelang, djangan main-main krana soedah sore.
Sampe doea-tiga kali tida maoe; srenta, katiga kalinja itoe Praboe maoe poelang.
Di djalan matanja kamasoepan binatang kĕtjil atawa sambĕr mata.
Praboe bĕtreak lantas Raralisning boeroe-boeroe liat-liat itoe mata, tapi binatang tida kliatan. Djadi lantas Raralisning ambil katja, soepaja Praboe bisa liat sĕndiri.
Kapan itoe katja dipasang di moekanja Praboe, srenta Praboe liat, lantas itoe Praboe djadi batoe, sapĕrti waktoe dibranakan.
Bininja bĕtreak-treak.
Dewi Bradja lara boeroe dĕngĕn mĕnangis, liat Praboe soedah djadi batoe lagi, dan troes marah pada Raralisning jang kasi katja.
Tapi Raralisning bilang: „sĕbab tida taoe jang Praboe tida boleh liat katja."
Tida lama Maharadja Tjioeng Wanara datĕng kasi ingĕt jang Praboe Lingga wĕsi soedah sampe temponja, tida boleh dibikin marah-marah.
„Tjoemah kita misti pikir anak jang masi dalĕm pĕroet boeat gantinja, tjoba, ma indang goenoeng Sakati panggil,
