Djaba ti eta tangtoe moal kabědag lamoen sakabeh anoe patek dioebaranana pěrtjoemah bae, sabab noe patek teh lain sareboe-doea reboe, tapi kapan ratoes reboe reana, mangkaning dina sakali njoentik pangadji ƒ 3.50.
Di afdeeling Pandeglang (Karesidenan Banten) eta atoeran didjalankeunana kira geus tiloe boelan liiana; kalawan oesahana Djoeragan Doktor R. HAMIMZAR, sarta geus kaboektian, mangratoes-ratoes djělema noe patekna tjalageur henteu make doeit nagara (ari doeit nagara teh nja doeit padjěg anoe ti djělěma tea hartina). Ajeuna B. G. D. rek ngadjalankeun eta atoeran, djeung geus ngirimkeun pirang² oebar neo-salvarsan ka doktor panjakit koelit noe digawe di polikliniek C. B. Z. Salemba, di roemah sakit Tjikini, di Roode-Kruis (Kemajoran) pikeun soentikan paratjoemah keur noe miskin noe menta oebar geusan ngoebaran patekna. Eta soentikan teh ngan geusan pangadjak bae; djadi lamoen eta neo-salvarsan geus beak, Kabeh anoe disaroentik koedoe majar ƒ 3.50, hartina majar harga oebar bae, ari oesaha djeung pitoeloeng doktor mah henteu koedoe dibajar.
Pikeun soentikan salvarsan, Polikliniek C. B. Z. Salemba diboeka oenggal poëan digawe (werkdagen) poekoel 8 isoek, di Tjikini Denggal poë Selasa, Kěmis djeung Saptoe poekoel 10 isoek, ari di Roode-Kruis (Kemajoran), oenggal² poe Salasa djeung Kemis poekoel 11 isoek.
Nja ajeuna waktoena oerang Priboemi noe rada boga, noe njaah ka bangsana, koedoe daek noeloengan bangsana anoe mariskin teh; noe djadi djoeragan sing daek noeloeng ka djělěmana dj. st.
Meureun teu koedoe diterangkeun deui, jen pitoeloeng Polikliniek teh, lain baris noe hiroepna toemaninah, sabab eta mah djělěma boga; boga keur majar ongkos doktor; bisa menta hae ka doktor-doktorna atawa datang ka doktor panjakit koellt.
25. HAL PANGAWEROEH AWEWE.
a. HAL NGATIK BOEDAK.
Hal ngatik boedak dina mimiti, nja eta ti barang borodjol něpi ka oemoer 6-7 tahoen, pang-pangna pisan aja dina tanggoengan indoeng. Eta beurat kabina-bina, sabab saoer anoe ahli elmoe-atik, ti barang boedak didjoeroekeun něpi ka oemoer toedjoeh tahoen, babakoena di dinja ngabangoenna watěk djeung akal teh.
Djeung saoerna deui, nja dina waktoe eta baroedak teh panglobana meunangna dedengean djeung tetendjoan noe maneuh narapak dina atina, djadi adat djeung pamake, nja eta sagala
