Kaca:Wawacan Ahmad Muhammad.djvu/398

Ti Wikipabukon
Ieu kaca geus diuji baca

Raja Lukuntar jeung baturna Para Bupati,
Malah risuh dina pupu,
Kari-kari wadya balad,
Dipajukeun dina perang campuh,
Geus buk-bek nyapet senapan,
Ting baliyur sora bedil.

6.

Balad Mesir ting golétak,
Nu katémbong Balad Mesir pada mati,
Pahibut perang teu puguh,
Balad Mesir sor narajang,
Kapalana Radén Wiramaya pamuk,
Enggeus nyipat sinapan,
Geus buk-bek ti Mesir Habsi.

7.

Balad Mesir balad Habsa,
Sami rebut balad Habsi tinggaruling,
Mariyeuh diseupeut jedur,
Perang campuh silih témbak,
Balad Habsi mati ratus datang rabu,
Mati rébu datang laksa,
Mati laksa datang keti.

8.

Mati keti datang yuta,

Dicomot ti "https://su.wikisource.org/w/index.php?title=Kaca:Wawacan_Ahmad_Muhammad.djvu/398&oldid=25630"