Ieu kaca geus divalidasi
- Seug ieu hujan jeung angin
Hayu urang ngariuhan
Tuh aya guha meledong
Gancangna lumpat ka Guha
Ngiuhan ka jero Guha
Hujan raat Putri nyaur
Karék nyebut aéh Satria - Gugup nonjol pada bijil
Lalumpatan gandék dua
Duh jurig ceuk Naya Genggong
Pok Ardanaya enya
Nu lumpat paheula-heula
Ngomong jurig bisi nyusul
Ngomong kitu bari lumpat - Nu lumpat patarik-tarik
Gandék dua teu patinggal
Lumpat réréntétan baé
Silih kembing silih tongtak
Geus heunteu tolih juragan
Anu lumpat blug-blug labuh
