Ieu kaca geus divalidasi
- Eujeung ménta anu bakal ngiring
Opat puluh pilih nu garagah
Nu dua keur pangambeng
Mangké di nagri Rum
Jeung déka mawa sapi munding
Entog soang meri hayam
Ulah hésé diditu
Kuda gajah rarahaban
Sing sadia ulah uyup-ayap deui
Bari nyempah patih indit - Gadag gidig ka paséban pasti
Paparéntah gancang nu maréntah
Jeung éta jalma janggal
Ti peting dikerid unggul
Ti kampung nagari mesir
Jalma pinter kapalana
Mandorna nu nanggung
Geus ngaliud di paséban
Abdi gusti ka Erum nu bakal ngiring
Sarébu santana gagah
Nimbalan ka patih Mesir
Patih sing sadia jalma
Anu bakal nanggung
Eunjeung santana paréntah
Sawaréh bakal dibawa
