Ieu kaca geus divalidasi
- Pék patih coba ngilikan
Hayang nyaho Tirta Bulayah téh nyai
Herang atawana kiruh
Kitu patih panggolona
Raden Bagus ngawansul barina imut
Mengke bae mah dinagara
Disanggakeun ku simkuring - Patih Cangkiling ngeukeuhan
Rék dibikeun ditoel baé ku pangiring
Bari ngiceupan ngomong lembut
Poma Agan ulah beunang
Éta patih olo-olo ngageuleuyeuh
Samalahan ibu Agan
Kapungkur pan rék dipeuncit
Lamun kenging enggal diantos
Saur raden patih kitu
Ngawalon Raden Mursada
Berkah paman kengin pisan kaulanun
Nu ngaran Tirta Bulayah
Ieu dikandung ku kuring
