Ieu kaca geus divalidasi
- Ayeuna kitu petana
Agan patih éta nu hiri dengki
Teu pupuguh ngajak rusuh
Kitu ceuk sakabeh balad
Ceuk sawareh teu nyana arék ngarurung
Da lamun nyana perang mah
Déwék mah teu sudi najis - Jeung ieu batur kumaha
Euleuh patulayah prajurit
Ku gandel diamuk
Jeung ku licik gandek dua
Henteu terka manehna mah tawoh weduk
Sawareh ninggal dulurna
Anu rerehan ka patih
Ardanaya ngamukna teu pilih tanding
Balad patih sami guyur
Aya anu susurakan
Anu ngomong urang montong ngili-ngilu
Da urang teu niat perang
Pajar mapag putra gusti