Ieu kaca geus divalidasi
- Kitu manah raden bagus
Bari madon teu ngawangsul
Raja rum ngandika deui
Ujang itung-itung nyipuh
Kudu ngagugu ka kolot - Sabab nu rék jeneng ratu
Nya kudu baé sipuh
Ujang hayu geura indit
Kitu dawuh raja Erum
Raden Bagus pék nyawalon - Kanjeng rama lamun kitu
Ka simabdi mundur umur
Jisimabdi amit mati
Seja pasrah ka Yang Agung
Kitu hatur Agan Anom - Enggal Raden Bagus lungsur
Putri sareng raja Erum
Awak tutung tangtu maot