Ieu kaca geus divalidasi
- Seug deui garwana matur
Engkang dilebon ku sepuh
Kapalayna putri Mesir
Engkang jeneng ratu
Manahna ibu kalon - Ayeuna mah bales hukum
Kajeung ngabohong ka sepuh
Da bongan sepuh téh geuning
Sagala beunang kawujuk
Geus sagala sapapanjangna awon - Ari ayeuna kang Bagus
Pisaureun téh ka sepuh
Parantos jeung eyang panggih
Malah jeung ama disaur
Kanjeng eyang langkung soro
Kapan nganggo ali kuring
Den Bagus imut ngawangsul
Saleresna engkang poho