Ieu kaca geus divalidasi
- Kitu carios ki pantun
- Ngagawir katebak angin
Anu tunggang peupeureuman
Bakayang Radén kawalon
Nitihan manuk sakadar
Lampahna salila sabulan
Ti Pulo Denda ka Erum
Nyungsiang soré geus dongkap - Manuk nungkulan nagri Denda
Ka Enum keur raraméan
Réa pisan anu nongton
Manuk sakadar ka handap
Nu nitah radén Cumina
Pada kagét urang Erum
Sadayana ménak rama - Euleuh manuk gedé teuing
Itu ditumpakan jalma
Na manuk naon éta téh
Ceuk nu loba manik julang
Ceuk sawaréh hayam barong
Ceuk sawaréh Ratu Ciung
Mana kuat ditumpakan
Kadanca moro ka Ratna
