Ieu kaca geus divalidasi
- Eta galudra téh kitu
Ciciren Ratna beureuwit
Anakna pada nanyaan
Taya nu ditampa hiji
Sugan arék ku manéhna
Anakna éta dikawin - Kitu saur para ratu
Ari ceuk sawaréh deui
Taksiran nya kitu pisan
Nu matak urang ditampik
Taya ayeuna mah urang
Hayu urang lulung jurit - Geus badami para ratu
Pada sadia prajurit
Masanggrahan dina tegal
Dina tepis wiring nagri
Sedengkeun nu masanggarahan
Kacap ratu Erum sumping - Tiluhur milihan manuk
Sareng jeung Cumina deui
Manuk sakadar ka handap
Ratu teu ngarandeg deui
Milebet ka padaleman
