Ieu kaca geus divalidasi
- Ibu ratu ka mantuna
Mangga ngalayang ka sang puteri
Rada lipur Ratnawulan
Manahna teu isin teuing
Reh aya nu ngasing-ngasing
Nya éta ibu sang ratu
Maru na mah rada geuwat
Geuwat sotéh ngalem muji
Ku geulisna ayang Ratnawulan - Ratu Erum ngajeng lenggah
Komala jeung Géntrasari
Mayunan sang Ratnawulan
Saur ibuna deui
Garwa pangkat pada sumping
Ka lebet nyari pupundut
Nata Dewi Géntrasari
Mapagkeun bari imut
Manah eyang Ratnawulan
Sieun pacampur jeung isin
Rumaosna yen ngarebut carogéna