Ieu kaca geus divalidasi
- Kitu walon istri dua
Ayeuna mah tong dianggap risi galih
Moal enya rai lapur
Sumangga rai néangan
Ratnawulan tétéla dibawa ngapung
Dipaling ratu siluman
Ngarana raja Yamani - Ngan éta kalangkung gagah
Atuh sakti jeung patihna unggul jurit
Baladna ka buta wungkul
Saréng raja boga anak
Putri geulis ngarana Nyi Mayang erum
Lamun kamanah ku engkang
Mangga ku abdi dipaling
Kersa engkang téh sakitu
Manah engkang entong reuwas
Keun ku abdi da moal burung katimu
Manasih Beulah ka poyan
Kapan abdi incu nini